Anca se l'èra arènta al cènter del paìs, 'na volta te s'èri un po' föra.
Ala basùra, suta le piante, se vedèva pasegià i siuri cun la gianèta, la magiustrina, le scarpe cun le ghète, la caramèla a l'öge, e sül gilè 'na grosa cadèna d'argènta o de brunse che dai santangiulén l'èra ciamada "pulènta" perché l'èra no d'ora. Gh'èra anca un parènte de Pisalümen ch'el gh'èva la cadèna fai cun el ramén.
Ièrun propi siuri quèi che i vegnèvun a la Vignöla a pasegià. Ades che son vege, següti a pensà quande n'dèvi a imparà ale scole e a pregà a l'uratori. Sèreme 'na bèla cumpagnia: i Risarö, Pacarlon, Fighen, me e i tanti Cabren.
Ièrun bèi tèmpi quèi la, quande i siuri i vegnèvun a pasegià. Adès la gènte ièn tüti siuri, pièn de pensieri e de duluri; el munde l'è cambiade, i'han girade la furtada, el sarà un bèn o 'na fregada?

Mario Bagnaschi

DIZIONARIETTO
Basùra = tramonto, prima di sera. Gianèta = esile bastone di bambù da passeggio. Magiustrina = cappello di paglia con tesa e cupola rigida. Ghète = gambaletto di tessuto o cuoio calzato sulla scarpa. Caramèla = monocolo infilato tra il sopraciglio e lo zigomo.

CHIUDI ARTICOLO