Il 19 maggio 2005, è morta RITA DI FRANCO LANA,
insegnante per 25 anni presso la scuola elementare "Collodi".
Un suo ex alunno ha voluto dedicarle questa poesia.
La me maestra
L'èr un pés che la vedèvi pü
ma 'ndla mènte gl'èvi bèn presènte.
Me vegnüde in màn le futugrafie
de quande 'ndèvi a le elementari
le l'èra lì cun nöme, i sò alunni,
sèmper suridènta, uramai vèrse la fén
de i sò ani püssè bèi
pasàdi a insegnàghe l'abc ai fiulén.
Una maestra d.o.c. abitüàda a insegnà
cun i metodi che adèss ièn pü de moda
ma che te trasmetèvun di valuri
che per chi l'è che l'è stài bòn
da cumprende e mète in pratica
i dürun nel tèmpe e ièn rari al dì d'incö.
Inteligènte, cumprensiva, riservàda,
buna e severa al tèmpe giüste,
i sò scularèti ièrun un po' tàme i sò fiöi.
Adèss le la gh'è pü ma quande pàsi
denànse a le "Collodi" me pàr
da vèdla amò andà 'ndrèn e vegnì föra
da cla scòla che l'è stài la sò vita
per tanti ani e 'nduè l'è saltàde föra
el sò ruolo de maestra campionessa.
Andrea Caperdoni
CHIUDI ARTICOLO