Pùlpiti

Ve se avìsa, furse, tàrdi
ma la sèvi nànca me...

Rigurdì? Don Gabuàrdi
l’à desfàde, tèmpe indré
i dù pùlpiti che gh’èra
ai dù làti de l’altàr,
sulevàdi da la tèra.

E per tànte tèmpe, pàr,
el paìs se dumandèva
su la fén de le furmèle
culuràde e tàntu bèle
che sui pùlpiti ghe stèva
e lùminusità ghe dèvun
e... presiusa pùssè fèvun
tùta quànta Césa Granda.

Bèn! Stupème la dumànda!
Lur stàn tùte a l’Uspedàl
a curuna del purtàl
che me porta a la Capèla.

‘Na pensàda pròpi bèla
d’una tésta inteligènta
e la gènte barasina
la poe véss pròpi cuntènta
de st’idea fin tròpu fina
de chilè che l’Uspedàl
el tegnìva drèn nel coer...

L’è per quèl che, adès, se voer
che ognoen s’na rènda cùnte
cun ‘na foto sura “El Punte”!

Ruce ‘89