Questo è il quarto appuntamento con il nostro dialetto e con le due rubriche ’ME SE DIS IN DIALETE? e ’NDUÈ CHE L’È? che continuano a rimarcare l’interesse dei santangiolini per la loro parlata e per gli angoli nascosti della città: 17 lettori si sono cimentati con le parole dialettali e 18 hanno indovinato la localizzazione del massello di granito ferma-gradino pubblicate sul PONTE di giugno 2015. Qui di seguito i risultati.


A In questa puntata solo un lettore, anzi, una lettrice ha indovinato tutte le risposte. Vuol dire che con questa rubrica riusciamo a rinfrescarci la memoria, in vista delle prossime serie di parole da indovinare.

Eccovi ora il decimo elenco di definizioni di vocaboli dialettali da risolvere:

Ed ora il terzo quesito che riguarda un angolo della nostra città

Le risposte saranno pubblicate sul prossimo numero de IL PONTE.

Vi proponiamo ora il ritratto di un personaggio dei tempi andati. Una sorta di medaglione, che fa parte di una più ampia collana di raffigurazioni di soggetti che hanno caratterizzato, ciascuno a proprio modo, la realtà santangiolina e dei quali fa piacere proporre un ricordo affettuoso. Autore del ritratto è il santangiolino ENRICO VIGNATI

Federìco el savatén
Per quèi che stèva in Busaròche, l’è una figǜra difìcil da dešmentegà. Adès se ǜsa pü, ma ’na vòlta cambià i tàchi, sulà le scàrpe l’èra un’abitǜdine.
El nòste Federìco el gh’èva el negòsi in via Garibaldi, per tànti àni, ’ndùe adès gh’è el palasòn mudèrne (e urènde), pròpi prìma d’la strèta de San Ròche (vicolo San Rocco). J̆èrun du stansète, e gh’èra da ’ndà šu dü bašéi, perchè j̆èrun sùta el piàn d’la stràda. Nèla prima el gh’èva el lauréri de riparasiòn, in quèla in fiànche le scàrpe növe cun una vedrìna picinìna sǜla stràda. L’èra un umetén picinén picinén, sèmper suridènte e ’l gh’èva sèmper sü un scusàl blö smagiàde de vernìš d’le scàrpe e de lǜster. L’èra un savatén vìra, perchè, ùltra a sulà le scàrpe, l’èra bon ànca da fa le riparasiòn, sìa d’le scàrpe che d’le vališe o d’le bursète. Quànde j̆àn trài šu le ca’ vége, el s’à trasferìde un po’ püsè inànse, ’ndue gh’èra la pasticerìa de Ripa (Amaretti Gallina), ma ànca se l’èva guadagnàde spàsi, lü nel so negusiète el gh’à lasàde el cör. Me regòrdi quande l’à ciapàde la patènte e la prima machina ch’l’à töi l’era una Sìmca familiàr, e per püdè guidàla ghe tuchèva tirà tǜte el sedìl inànse e mète dü cüsén dedré dàla vìta. Ma per lü l’èra cùme un furgòn e, quànde el ’gnìva indré dàla spèša d’le scàrpe, se vedèva pü nànca i vèdri. Ànca se l’èr nasǜde in Campania, lü el se sentìva santangiulén al cèn per cèn, e tǜte le dumìniche l’èra al càmpe spurtìve a vède la partìda.

La favola del Pùnte del Diàul ci è stata raccontata, molto tempo fa da MARIO BAGNASCHI, appassionato lettore de IL PONTE, prolifico scrittore di racconti, santangiolino autentico e innamorato del suo paese. Quello che offriamo ai nostri lettori è una variante di altre favole simili, comuni a tutto il territorio italiano, che però qui viene presentata con il tipico ritmo del linguaggio santangiolino e con una caratterizzazione dei protagonisti a noi familiare.

La stòria del “Pùnte del Diàul” de Pavìa
Ànca se gh’èra la mišéria, a Sant’Àngel se plüchèva e i se rangèvun tǜti. I végi i ghe dišèvun ai giùn: “Fiöi, a ’ndà se lèca, a stà se sèca: se se fèrma un santangiulén, se fèrma la röda del mulén!”
Àla Còsta ghe stèva Daccò Domenico, che tǜti la ciamèvun Mén; el gh’èva una caretìna cun du röde e, tacàde àla stànga, un can che se ciamèva Liunàrdu. A quatr’ùr de matìna el partìva per Pavìa, el rüvèva in Bùrghe Tešén, indùe che, föra dàla céša, cun un sàche in tèra, el vendèva lǜster e surfanèi de legne, quèi lùnghi ’na spàna. A Pavìa, Mén la ciamèvun “el santangiulìn del lǜster”.
A metà stràda el se fermèva pèr fa culasiòn, fài de pulènta frègia cun indrèn una fèta de làrde. Ma el can el se lamentèva, perchè el gh’èva fàme ànca lü; alùra Mén el tirèva vìa la cùdega dal làrde e ’l ghe dišèva: “Liunàrdu, a tì la cùdega, a mé el làrdu”.
Una matìna, rüvàde a Pavìa, in Bùrghe Tešen, Mén el vède un po’ de gènte fèrma. Lì gh’èra Ambröš, un sô amiš, ch’el fèva el savatén a Pavìa e, pèr ’ndà a laurà, el ciapèva la bàrca ch’la menèva inànse e indré la gènte da una rìva a l’òltra.
Ambröš el ghe cǜnta quèl che gh’èra sücès.
El sàbete matìna el Tešen l’èra in pièna per i tempurài ch’èra ’gnǜde in muntàgna; la gènte la pasèva istés, cun le lagrìme in sacòcia dàla pagǜra. Ma àla sìra l’àqua del Tešen l’èra tròpu vòlta e la bàrca la pudèva no pasà. Anca Ambröš l’èra fèrme sǜla rìva, cul pensiér per la sô dòna che la vedèva no rüvà a ca’. Anca perchè el dì dòpu l’èra fèsta.
Ambröš gh’è vegnǜde da di’: “Ghe darési l’ànima al diàul se chì ghe füdés un pùnte!”. L’è stài un mumènte: denànse a l’Ambröš s’è prešentàde un sciùr, vestìde bèn, ch’el diš: “Mé farò el pùnte, ma el prìme a pasà el sarà mê”. Ambröš l’è restàde lì imbesüide, ma la matìna dòpu, de bunùra, el va al Tešen e gh’èra dabòn el pùnte, ma nisön se ris/cèva a pasà.
El Mén, intànte ch’el scultèva quèl che cüntèva sü l’Ambröš, l’à vìste una dòna cun la cavagna de pùmi sùta el bras. Sènsa fa fìnta de gnèn, ghe na frèga vön, el deslìga el sô can da la stànga e ’l ghe diš: “Liunàrdu, gh’è da mangià!”. Mén el tìra el pùme sül pùnte, el can el ghe cur adré, ma sàlta föra ch’el sciùr là, ch’el ciàpa el can e ’l sparìs.
Da ch’el dì là, el pùnte sül Tešén l’àn ciamàde “el Pùnte del Diàul”.