Santa Ciàra, Santa Ciàra
imprestème la vòsta scala,
la vòsta scala da ’nda in ciél
a truà San Michél,
San Michél l’è bèle mòrte,
gh’èra i angeli che ’ndèva a còrpe,
gh’èra i angeli che cantèva,
la Madona suspirèva,
suspirèva rose e fiur,
l’è nasüde un bèl Signùr!

L’è nasüde a Betlème
cun né fase né mantèl
da fasà Gesü bèl,
Gesü bèl, Gesü Maria
tüti i angeli in cumpagnìa,
in cumpagnìa, incunpagnà
tüti i angeli farème cantà,
fareme cantà in sdenugiòn
a fa dì le urasiòn.

Chi ja sa e chi ja dìs
el va a le pòrte del Paradìs,
chi ja sa e ch’ja desprènde
el va a le pòrte de l’infèrne.